لا غشاك الليل واسرف بك الحـزن العميـق

لا غشاك الليل واسرف بك الحـزن العميـق
جنّـب وجيـه البشـر واسجـد لخلاّقـهـا




ادخل بغيبوبه مـن الهـدوء .. ولا تفيـق !!
وراود دموعـك علـى عينهـا واحداقـهـا



خل روحك تدّرج !! من زفيـر اليـا شهيـق
دمعـة ٍ لحضورهـا .. دمعـة ٍ لفراقـهـا



كن دمعـك وقتهـا يغسلـك ويبـل ريـق :
وجه الارض !! وينتزع روحك من ارهاقهـا



رتّب انفاسك !! ودوّر علـى نفسـك طريـق
واستـرح بيـن الحنايـا وفــل ارواقـهـا



راجع ذنوبك على اقل من مهلك .. وويـق :
شــوف وتفـقّـد معاليـقـك وخفّاقـهـا



الحزن : دافع قـوي للرجـال .. ولا يعيـق
غيـر نـاس ٍ تخلـق وذلّهـا فاعناقهـا !!



الشقيق يدعّـم الـذل فـي اخـوه الشقيـق
والبضايـع تختلـف باخـتـلاف اسواقـهـا



وانت حاضـرك يتفاخـر بماضيـك العريـق
شجـرة ٍ عجـز الزمـن لا يحـت اوراقهـا



كنْه شمس من الذهب والجواهـر والعقيـق
كل صبـح يلامـس المجـد نـور اشراقهـا



وكان عزمك ما رقى قمة الضلـع المويـق
ما انت لاقي ( عز ) فـي جلالهـا ودقاقهـا



نوّخ ركابك .. وشكّل مـن اشكالـك فريـق
الرخامـه فـي تزايـد عـدد عشّاقـهـا !!



الاسامي حمل !! واللي حمل مـا لايطيـق :
شـاه ودك للصفـاه الضحـى تستاقـهـا !!



العـرب مـا تبغـي الفخفخـه ولا البريـق
تبغـي امطـار السحـب ماتبـي برّاقـهـا



لا تحسب المرجلـه : زول ولسـان ٍ طليـق
الرجـال رجـال : بافعالـهـا واخلاقـهـا



افرد اجناحك مـدام السمـا تبغـى عشيـق
اغتسل من غيمهـا / فـج كبـد افاقهـا !!



خل اخوك الصبر !! واعجابك بنفسك صديق !!
واعتنـز بالله كفيـل البـشـر وارزاقـهـا



لا تفكر في هل الهـرج لـوّ شبّـوا حريـق
الكـلاب مربّـطـه لا تـحـل وثاقـهـا !!




وان تغنيت بشعـر فـي فعولـك مـا يليـق
نقّـع جـزال القصايـد وبـلّ اوراقـهـا !!



لا تكلف نفسك ( بزوبعـة جـال المضيـق )
( المحيطـات أربعـه ) والـدرّر باعماقهـا



مادرى الشاطي عن الخوف بعيـون الغريـق
ولا لعب في حسبة النـاس غيـر اشواقهـا



فإن دعاك الشوق للـورد وانفـاس الرحيـق
اذكـر اجمـل سيـدات التـرف واعناقـهـا



المهاه .. الفارع .. أسطورة الحـس الرقيـق
مـا ذبحـك إلا غلاهـا وطـول فراقهـا !!